EKO ESKOLAK

EKO ESKOLAK, 2024-2025 IKASTURTERAKO INGURUMEN HEZKUNTZAKO ESKAINTZA

Gure hezkuntza-eskaintzaren barruan, ingurumen tailerrak eta irteerak antolatzen ditugu, zuen ikastetxera gerturatuz, edo, bestela, Deban bertan, Euskal Kostaldeko Geoparkearen agertoki paregabean.

2030 Eskola Agendari lotuta landu nahi dituzun gai zehatzetara egokitzen gara, edo besteren bat iradokitu ahal dizuegu taldearen ezaugarrien eta/edo interesaren arabera.

Aipatu dugun bezala, Eko-eskolaren programa ere zuen zentrora joan daiteke, eta zuen ingurune natural hurbilenarekin lotutako jarduera bat (tailerra edo irteera) diseinatzeko: eskolaren ingurunea, gertuko ibai bat, baso bat, parke bat, mendi bat... izan daitezke aukerak, eremuaren arabera.

Horrela bada, blog-aren atal honen bidez, “EKO-ESKOLAK” hezkuntza tailerren eskaintza zuen ikastetxean bertan emateko aurkezten dizuegu.

Esan beharra dago nahiz eta tailerrak adin tarte batean oinarritu, eskaeraren arabera nahi den adinaren arabera egoki litekeela, baita tailer desberdinen konbinaketak ere egin. Beraz, ikusten den bezala, gure eskaintza zuen beharren arabera moldagarria da.
Hauek dira DebaNaturaren ingurumen tailerrak:

1. Ingurumen hezkuntzako tailerrak eta irteerak

Curriculumarekiko lotura:

Debanatura Ingurumen Heziketako elkarteak ikastetxei eskaintzen dien “EKO ESKOLAK” programaren hezkuntza tailerrek lotura curricularra dute gaur egungo hezkuntza programarekin eta material jakinaren laguntzaz garatzen ditugu. Jarduerak elkarren artean osagarriak dira, talde berak jarduera desberdinetan parte har baitezake, ezaguerak eta esperientziak zabalduz.

Ikasleei zuzenduriko jardueren edukiak, hezkuntza fase desberdinei dagozkien arlo desberdinetako zeharkako material bezala aise konekta daitezke.

  

• Jardueren iraupena: 2 ordu – 2 ordu eta 30 minutu, eskolak aukeratuko du. Interesaren eta gaiaren arabera, goiz edota egun osoko jarduera ere antolatu daiteke.

• Hizkuntza: Euskaraz

• Tarifa murriztua: (150 € saioa/gela).

• Oharra: (ikasgela batek baino gehiagoek jasoko balukete tarifa murriztuagoa izango litzateke)

Ingurumen Hezkuntzako tailer hauek zuen ikastetxean jaso nahi baduzue jar zaitezte harremanetan gurekin hemen: debanatura@hotmail.com

Edozein galdera edota informazio eskaera konpromezurik gabe erantzungo dugu.

Besterik gabe, zuen interesekoa izango delakoan agurtzen zaituztegu.

Mila esker aldez aurretik.